وبعد ذي الروووايه كماان حقيقيه عن بوياا صاار لهاا 4شهورر والله بكيت

> لـكل فـعـل رد فعـل مسـاوئ لــة <


" شنـو يعني .. يعني خلآص الخبيث ثبت فيني يعني

انا بمووت " قالتها بأنكسـآر

نوال: بسم الله عليج ياحبيبتي .. ألآعمار بيد الله

ياماما .. وهذا اختبار من عند رب العالمين وانتي ان

شاء الله قدة ومااحد يعرف متى ساعته غيره سبحانه

وتعالى

وفيه كثير ناس ولله الحمد تعالجوا من الخبيث

هنو بنبره بآكيـة: ونآس اكثر ماتو .. بس ماما انا

مافيني شي بس دوخه بسيطه وشويه خربطه بنظامي

الغذائي وبسس وخلآص من يوم ورايح رح اكل

عشآن مايجيني الخبيث

انا بأكل وان شاء الله خير بس بتتعدل صحتي

وبتشوفون الدكتور هذا مخرف المستـشفى بكبرها

مخرررفه

نوال وبكت وضمت بنتها: بسم الله عليك يمه ..

حبيبتي انا معك واخوك معك والاهم من هذا كله الله

اللي ماتنام عينه معك لاتخـآفين حبيبتي وخلي

ايمـآنج برب العالميـن قوي ..

هشام: آفآآآ بس ياهنو .. طول عمري كنت اشوفك

قويه .. حبيبتي اللي انتي فيه الحين ماينفع

والدكتوره متأكده من تحاليلها وسوينا لك التحليل

أكثر من مره وآمي خذت عينه من دمك

وارسلنـهآ لبرى ولآكثر من مستـشفى ونفس

النتيجـه .. حبيبتي خلي ايمانك بالله قوي وحطي

ببالك ان اللي كاتبه ربي رح يصير ولآ تيأسين من

رحمه ربك .. واي تأخير فيه تأثير

على صحتك خلينا نمشي من اليوم على كلآم

الاطبـآء وحده وحده والله يقدم اللي فيه الخير

هنو وهي ضامه امها وتبكي : وش الفايده وانا

بألآخير بمـوووت كثير نآس يموتون من الخبيث

وشمعني انا اللي بصحـى .. وبعدين اذا كان ورم

خل يستأصلونه انا ماابيه انا مستـغنيه عنه

خـلهم يسـتأصلونه ياهشام خلهم يستأصلونـة ..

هشام : يمه وعيها معي هنو اكبر من كـذا وانتي

كبيره ياهنو مو صغيره ولازم توقفين دموعك

وتساعدين نفسك بنفسك .. اهم شي هي نفسيتـك

وانتي قدهآ وقدود وانا متأكد من هالكلآم

وبالنسبه لأستئصـآل الورم ماينفع لآن وللأسف

السـرطآن منتشـر بالدم ..

هنو وبعدت عن امهـآ شوي وعيونـهآ غرقآنه

دموع وراحت لجـهه الشبـآك وتطالع بالمـآره وهم

تحت بـألآرض تطالعهم بسسسس عيونـهـآ

معـآهم وعقلهم مومعآهم آبــد وبدون شعور

فـكرت بجنـآ

واللي صــآآر لهـآآ وتذكرت كـلآم نورا وفيه

شيء ماكانت تهتم فيه او بألآحرى نسته وتناسته

لكن نورا ذكرتها فيه وقالت لهـآآ لآزم تتـوب

بسبب اللي سوته تـذكرت جـنـآ لمى فقدت

عذريتهـآ بسببهااا

هالموضـوع مأثر فيهآآآ حييييل ومرهقهـآآ وع قد

ماتقدر تحـآآول تكفر عن ذنبها وذنبها كبيييييير

ماتشيييييله جبـآآآآل .. وتذكرت جنـآ بأخر لقـآء

لهـآ لمى قالت لهـآآ انـآآ مومحللتك عورهـآآ

قلبهـآ

وحسسسست بندم وخيبببببه امل كبيررررره وحست

اللي قاعد يصير فيها عقاب من رب العالمين وبنفس

الوقت هـذا رد فـعل مسـاؤي للـي صــآآآر

زمـآآن سبحـآآنه يمهـل ولآ يهـمـــل .. ..

ومآآكـآآن ببأألهأأأ غيـــر جـنــــآآآ .. ..

جـنـآ وبــسسس ( التفت على امـهآ واخوهـآ

وكان ودهـآ تتـكلم وتقـول لكن اغمـى عليـهآآ

على طـوول .. )

.
.
.
.
.
.
.
.

فتـحت عيونـهـآآ وهي حـآآسه انهـآآ بحـلم ..

لآ بكـآبوس مفرع الاغيبوبـة وتتمنى تصحـى

منـهآآ .. " لكـن " هي للحين بالمستـشفى بالغرفه

البيضـآ وبثوب المستشـفى الابيض

وامـهآ قاعدة على راسـهأ تقرى قران وحاطين

لهـآ مغذي صحـت وقالت: ماما

نوال: صدق الله العظيم (وتسكر القران ) : حبيبتي

صحيتي

هنو: اي صحيت يعني يعني انا ماكنت احلم ماكنت

بكآبوس يعني انا صدق مريضه ومعي سرطان بالدم

نوال وهي ماسكـة دموعها وتتصنع القوه قالت:

حبيبتي اللي تمرين فيه هذا مكتوب لك ومقدر وانتي

لآزم تسـآعديننا معك وتسـآعدين نفسك ولآزم

تبدين علآج يايمـه ..

/
/
/
/
/
/
" رح تبدء معهـآآ بالعلآج الاشـعآعـي .. وشـي

طبيعي رح نخليها عندنـآ بالمستـشفى كم يوم

عشآن نشوف استـجابه جسمـهآآ للعلآج .. وان

شاء الله خير "

هشام: يعني دكتـورة تتوقعين فيه امل نعلآجـهآ

الحين او حتى العلآج بيجيب فايده

الدكتوره: صحيح ان حالتها متأخره بس لازم نبدء

معها من الاول وبالنسبه لاستجابه جسمها هالشي

مااقدر احدده لك الا بعد ماتتلقى العلآج ..

.
.
.
.
بـــعـــد مــرور أســبوعـيـن .. هـنو

بدت العلآج وامـهآ كانت معها بالمسـتشفى

وهشـآم اخـوهـآ كان مابين المستـشفى والبيت

عشآن عبدالله اللي يجي يزورهـآ احيـآآنـآآ

ويتمنى

لها الشفــآء مع انه مايدري وشفيهآآآ .. كل اللي

يعرفه ان فيهـآ تعب وانـهم لازم يدعون لهـآ

وحالتـهآآ كانت مستـقره وكتبت لهـآ الدكتوره

تصـريح بالخروج بعد مااستقرت حالتها

وصـآرت تراجع المستشـفى من فتره لفتـرة

عشـآن مواعيدهـآآ ..

ببيت نـــوآل كانت هـنو توهـآ طالعه من

غرفتهـآآ ورايحه لامـهآ اللي كانت جالسه تتغدى

مع اخوانها بالصـآله وكانت معاهم ومو معاهم

وصآيره ماتاكل الا اذا بنتها كلت ..

نوال وهي شايفه بنتها توها طالعه من الغرفه

ابتسمت وقالت: هاه يمه غيرتي رايج وتبين تتغدين

!!

هنـو : هااه .. انتي ليش ماتأكلين

نوال: مالي نفس حبيبتي .. مااقدر اكل وانتي

ماتاكلين

هنو: طيب اجل انا باكل

نوال واستانست\ يابعد عمري يايمه .. هاااه تبين

احـط لك من التبوله اللي تحبينها

هنو: اي وحطي لي ورق عنب بعد خاطري فيه

نوال: بس كذا من عيوني ولآيصيـر شـي ء

بخـآطرك ياعمري ..

عبود: انتو كلكم تدلعون هنو ليش ماتدلعوني

هنو وابتسمت: حبيبي انت قولي وشفيك وهنو بكبرها

تدلعك

عبود: ابي اروح البحر ومااحد بيوديني كان بودي

نتغدى برى بالواجهه ومحد رضى

هنو: ماما خلينا بعد الغدا نروح للواجهه ونغير جو

شوي وبالمره ناخذ معنا الحـلآ والقهوه ونونس

عبود

عبود: وناخذ حمود واسامه اعيال جيراننا

نوال: بس كذا من عيووووني

عبود: هيييييييي عاشت هنووووو عآآآآآشت ..

( وكملوا غداهـم وراحـو للواجهه واستـانسـووا

هـناك وخصـوصـآآ هـنو اللي نفسيتـهآآ تحسنت

شوي ونوال كانت مبسوطه بالمرة عشـآن بنتها

وبنفس الوقت قلبهـآ قارصـها وخايفه عليها )

/
/
/
/
/
/

"شـنو وشتــقولون انتــو .. لا مومعقوله الكلام

هذا يكون صحيح ايش يعني مافيه هـنو خلآآآآص!!

"

اشواق: جنا هدي حالك وافهميننا زين وبعدين طول

مااعصابك مشدوده كذا مارح تفميننا عدل

زينه: جنا اللي صآر هذا كله قضاء الله وقدره واحنا

واجبننا كصديقاتها نكون معها بنفس هالوقت

وخصوصا انتي ياجنون

جنا وهي لسى مومصدقه اللي قالوا لها صديقاتها

وقالت بنبره يأس : انتي متأكده من هالكلام ياروعه

روعه/ متاكده ونص .. اصلآ هالمواضيع هذي

بالذات محد يمزح فيهآ وانا مالي اي مصلحـه لو

امزح اوحتى اكذب فيهآ

جنـآ وتغيرت ملآمح وجهها للأسوا: انا ماني قادره

اصدق ليش .. ليش يصير معها هذا كله

روعه: استغفري ربك ياجنآ وشهالكلام .. هذا قضاء

الله وقدره وانتي لآزم توقفين معها بنفس هالوقت

وخصوصا ان بنت عمي تقول انها هي الممرضه اللي

كانت تشرف على حالتها

جنا: وشلونهآ الحين

روعه: ماادري هي طلعت من المشتشفى وبنت عمي

قالت ان وضعها مستقر الحين وتراجعهم من فتره

لفتره

جنا ودمعت عيونـهآ : انا بعمري ماتصـورت

اشـوفها بيوم من الآيـآم بهالحـآله .. انا اخر

مره كلمتها قسيت عليها واخاف انها تكون زعلآنه

مني الحين

زينه: جنا هنو تحبك وتخاف عليك وانسي الماضي

وكل اللي صـآر .. مهما صآر اللي كان ومازال بينكم

شيء كبير ولازم تكونين معها بنفس هالظروف

وصدقيني هنو رح تسانس بوقفتك

معها .. تصدقين الدكتوره قالت لبنت عمي ان

بمرضـهآ هذا النفسيه لها دور كبير بالعلآج يعني

نفسيتها لازم تكون حلوه ولازم تكون قويه عشآن

تواجهه العلآج وهنو اكيد وجودك معها رح يقويها

جنـآ : انا بروح لهآ الحين المستشـفى تجين معآي

!!

روعه: اقولج هي طلعت من المستشـفى تبين اشوف

لك متى موعدها الجاي ؟

جنا: يووووه وانا وش يصبرني لموعدها الجآي

خلينا نروح لهـآ البيت ..

روعه : طيب بس نتصـل اول ببيتهم موحلو نروح

لهم على غفله اوكيه

جنا: أخـآف امـها تصرف

روعه: لا مااتوقع خصوصا ان هنو هاليومين محتاجه

لمه صديقاتها حولها مااتوقع تصرف

جنا: طيب اتصلي وش تنتظرين !!

روعه وهزت راسها بالايجـآب وتتصل ومااحد يرد :

غريبه محد رد صبري اتصل على جوال امها

جنا: عندك رقمهآ ؟

روعه وتتصل: اي عندي خذته يوم كنا عندها

بالبارتي ببيتهم ( وترد: الو هلآ والله خاله نوال

شلونك انا روعه صديقه هـشـو .. هنو

نوال: هلا والله .. لا والله احنا الحين طالعين

موبالبيت اي ماعندي مانع حياكم البيت بيتكم

روعه: اوكي بس لاتقولين لهنو بنخليها مفأجـأه

لهآآ ان شاء الله اوكي خاله باي ..

جـنآ: وشقالت لك ..

روعه: قالت تعالوا بكره العصر

جنا: وليه موالصبح

روعه: عندهآ موعد بالمستشـفى الصبح وبترجع

تنام وتريح ونجيها العصر وبالمره نتغدى عندهم

جنا: ياقلبي ياهشوم ياليته فيني ولآفيـك

روعه: لهدرجه تحبينها ياجنا !!

جنا ومن بين دموعها: والله ياروعه لو يصير فيها

شي والله لآموت

روعه وتضمها: بسم الله عليك حبيبتي ..

/
/
/
/
/
/

الــيــوم الـتــآلــي ..

ببيت نـوال تأخرت بالمستـشفى مع امـهآ والعلآج

صـآر يتعبـهآآ اكثر ودخلت البيت وهي هلـكآنه ع

الاخــر .. وكانت توهـآ جالسه بالصــآله وعلى

طول دق باب بيتـهم وكانوا صديقـآتها اول

ماشافتهم

نوال سلمت عليهـم ورحبت فيهم ودخلتهـم

للصـــآلــة ..

هـنو واول ماشافتهآ قـآمت وقالت : جنــآ

جنا وركضضضضت لعندها وضمتـها وقالت بهمس

بأذنها : وحشتيني الحمدلله على سلآمتـك

هنو وبعدت عنها وطالعت بعيونـهآ وقالت:

ســآمحيني ..

جنا وهزت راسها بالنفي : مارح اسأمحك ومستحيل

اسامحك لان قلبي وعقلي وروحي مستحيل يزعلون

منج بيوم من الآيــآم

هنو : ياحيـآآآتي ياجنـآ

اما روعه فـكانت هي اللي شـآيله الغدا اللي جايبنه

من بــرى وراحت مع نوال للمطبـخ يحطون الغدا

نوال: ليش كلفتوا روحكم يابنـآت احنـآ مسوين لكم

غــدآآ

روعه: لاخالتي وشدعوة هنو اختنا واللي هي فيه

الحين يهمنا كلنا وكلنا ان شاء الله بنوقف معاكم

نوال واستغربت: وانتو وشلون عرفتوا انها مريضه

روعه وتصرفها: خالتي احـنآ اقرب صديقاتها ولازم

نوقف معها بالمحنه وان شاء الله تمر علي خير وهنو

بهالوقت محتاجه حولها كل الناس اللي تحبهم

نوال/ معك حق يابنتي .. اقول حبيبتي روحي قعدي

مع البنات وانا وخدامتي بنحط الغدا

روعه: افااا خالتي انتي مثل امي وانا بحط معك الغدا

مافيها شي لو ساعدتك وبعدين مايبلها شي اسيلك

وتسليني ..

( وعـالغــدا .. )

أشواق / هنو ذوقي هذي المكرونه انا مسويتها لج

بنفسي

هنو وتاخذ من اللي حطت لهآ أشواق وتقول: بنآت

ترى وزني رح يزيد عشره كيلو بسببكم

الكل: ههههههههههههههه

جنا: عاد شوفي من الحين اقولج مااحب حبيبي يكون

دب

الكل: هههههههههههه

زينه: والله شي بيتصير كأنها ذيك البويآ اللي معنا

بالجامعه مستر سيلكون

الكل: ههههههههههه

روعه: بصراحه هنو امج مره ذوق حتى ماحبت

تتغدى معنا قالت تخليج على راحتـج مع صديقاتج

..

هنو : اي مو هي راحت مع هشوم وعبود وخلتنا

على راحتنا .. بنات عاد تصدقون اني مشتهيه قهوة

وحلآ من يد زينه

زينه: اصلآ انا عارفه انج ماتقاومين الحلا والقهوه

من يدي عشآن كذا جبت لك لاتحاتين

روعه: الا هنو مادريتي عن اخر التطورات

هنو: لآ علميني ..

روعه: لآيطوفك جـنآ مصلحه لك حلآ من يدها عاد

ذوقيه والله يعينك اكيد بتباتين بالمستشفى

الكل: ههههههههههههههه

هنو: مومشكله لو ابات بالمستشــفى لان جنا حلآ

وتسوي لي حلآ اكيد بيجيني السكر واحلآ سكر بعد

الكل : واووووو

روعه: اقول بنات خنقصر حسـآ والله اخر شي على

هالضحك وهالسوالف خالتي نوال بتطردنا برى

الكل: ههههههههههههه

هنو: لا وين امي ماتسويـهآآ .. وبعدين بلآ

حركـآت انا مستـانسـة بوجودكـم حولي ..

(ويدق بآب بيتـــهم وتـفتـح الـخـدامـة

ويدخلون نور ونورا(ام فآرس)

نور: يالخــاينآآآت اقلها اتصلواا

هنو: هلآ والله بحبايبي ( وتروح وتسلم عليهم

ويدخلون ولمى جووا البنات يسلمون

نورا: لآسـلآم على طعـآم كيوتآتي خلكم جالسين

زينه: اجل تفضلوا هنوهم

نور: وانتي منـهم (ويجلسون يتغدون..

هنو: توا مانــور البيت ..

نورا: منور بوجودك حبيبتي .. بنات انا حطولي

سلطه والله لو اكل هذا كله مارح اطلع من هنا الا

وانا والد

الكل: ههههههههههههههههههههه

(وجلســوا يتــغدون ويسـولفــون وهـنو

نسـت ولو مؤقتــآآ اللي هي فيــه وكانت

لآهيــة مع صديقـآتـهآآ ومبسـوطـة بشوفتـهم

)

.
.
.
.
.
.
.
.
بــعـــد مرور أسبوع .. هـنو صديقآتهآآ كانوا

عندهـآ بشكل شبه يومي واذا موكلـهم اغلبــهـم

وخصوصا جنا اللي كانت احيآنـآ تروح معها

لمراجعتها ..

وببيـت نــوال .. كانت تــوهآ صــاحيـة من

النـوم وتبي تروح للحمام ( اكرمكم الله ) مشت

ومشت وتـحآول توصل بس ماقدرت وطاحت من

طوولـهآآ ..

بعد فتــرة فتـحت عيـونـهآآ ولقت نفســهآآ

بأكثر مكـآن تكـرهه بــآآالكـون بالمستـشفى

وعليهأ مغذي .. وماكان حد عندها وعلى طول خمنت

ان امها واخوهأ عند الدكتورة

.
.
.
.
.
.
" انتي وشقاعده تقولين انتي مستوعبه الكلام اللي

قاعده تقولينه .. انتي تلعبين علينا احنا بزران عندك

"

هشام : يمه الله يهدك هدي اعصابك

نوال: وانا بقى فيني اعصأب ماتسمعها وشقاعده

تقول ياهشوم قاعده تلعب بأعصابنا انا لازم انقل

بنتي مستشفى ثاني احسن وحسبي الله عليها وذنبي

بنتي برقبتها قاعده

تلعبين بصحتـها انتي

هشام/ يمه انتي معصبه لو سمحتي خليني اتكلم مع

الدكتوره وافهم منها الموضوع

الدكتوره وعصبت من نوال لكن بنفس الوقت عذرتهآ

وماقالت شي لان اي حد بمكانها بيسوي مثل كذا

واكثر

هشام: دكتوره فهميننا مو انتي قلتي جسمها استجاب

للعلآج الاشعاعي وحالتها ولله الحمد صآرت احسن

وقلتي نفسيتها لازم تتحسن ونفسيه اختي الحمدلله

من احسن مايكون

وتقبلت مرضـهآ وجسمها استجاب للعلآج على اي

اسأس تقولين الحين انها لآزم تتعالج كيماوي وانتي

عارفه ان الكيماوي وشقد خطير وشين ومااحد يقدر

يتحمله

الدكتوره: اخ هشآم ياليت تسمعني للأخير

وماتقاطعني انا دكتوره ويهمني مصلحـة مرضآي

وهذي قبل ماتكون مهنه هذي امانه ورب العالمين

رح يحاسبني عليها وانا والله مالي مصلحه اني

اكذب عليكم

هشام: والله العظيم مصدقك وامي ماتكلمت هالكلام الا

من خوفها على بنتها .. انا ابي اعرف كل شي عن

حاله اختي الحين ..

الدكتورة : اختك كان علآجها ماشي تمام التمام

واستجابت له بس الفتره الاخيره جسمها ضعف

وصارت ماتقدر تستجيب للعلآج الاشعاعي بشكل زين

المرض هذا شين وهي لسى صغيره وعلى

قد ماتقدر تقاومه بس للأسف موقادرين نسيطر ع

المرض وحتى العلاج الاشعاعي صآر مايفيد معها

ولايستمر كثير ولو تلآحظون انها تطلع من

المستـشفى شوي وترجعله مره ثانيه فـ بحالتها

هذي

لازم تبدء العلآج الكيماوي فورا ..

هشام: بس دكتوره انتي قلتي لنا هالكلام من قبل

على العلاج الاشعاعي ولازم تبدء فورا وماادري شنو

ولمى بدت جسمها استجاب بالبدايه وبعدها ماقدرت

تكمل نخاف تبدء كيماوي وماتقدر تكمل

وتروح اختي من يدنا وهذا الشي اللي احنا مانتقبله

..

.
.
.
.
.
.
" احنا مارح نسكت .. المستشفى هذا مافيه مؤهلآت

لهالمرض وعندهم مليون مريض ومريض .. وماهم

فاضين لحد لاشافوا حد منهم طاح قالوا يلآ نشوف

اللي بعده ..

احنا لازم نسفرها برى ونبدء علآجها "

نوال وبعد صمت وشلون راحت عنها هالفكره: اي

صح لازم اسفرها برى ومن بكره ان شاء الله بقول

لمحمد يسوي ارواقها واوراقي وبروح البنك واخذ

سلفه عشان اعالجها

جنا: لا ياخاله والله ماتسحبين شي انا اللي بعالجها

على حسابي

نوال: بس انا امها و

تقاطعها جنا بأصرار: وانا اختها وصديقتها وتهمني

مصلحتها مثل ماتهمك ياخاله انا اللي بعالجها على

حسابي وبسافر معك ونكمل الاجراءت هناك ونسفرها

بأحسن المستشفيآت برى

وياخاله لو تفكرين فيها حاله هنو صآرت كل مالها

وتسوء اكثر وعلى ماتروحين البنك وتاخذين سلفه

وتنزل السلفه الا البنت راحت من بين يدنا لآسمح الله

.. خاله هالمواضيع بالذات مايبلها

نجلس وننتظر حد لازم نتحرك والله يخليك ياخاله

موضوع تكاليف العلآج خليه بيني وبينك وماابي هنو

تدري بشيء ابـدا ..

نوال: بس انا مااقبل ان بنتي تتعالج على حساب

النآس

جنا: الله يسامحك ياخاله انا موناس انا اختها وكل

شي بالنسبه لها .. لكن اذا انتي مصره خلينا نسافر

الحين ولارجعنا وصارت بخير نتحاسب على كل

شيء .. الله يخليك وافقي ياخاله

وانا بكلم زوجي يحجز لنا ويكلم المستشفى بــرى

ونكمل الاجرائآت بسـرعه

.
.
.
.
.
.
.
.
" تأخذين من الغريب وانا موجود .. انا كل اللي

عندي لها وانا اللي بعالجهآ على حسابي ان شاء الله

"

نوال: بس يامحمد العلآج برى غالي ومااتوقع

محمد: مايغلي عليها بنتك هي بنتي وكل اللي عندي

لكم ..

نوال: والله ماني عارفه وشقول لك يامحمد ماني

عارفه شلون اطلع من جميلك

محمد: هذا مووقت جمايل احنـآ لآزم نمشـي

بألآجرئأأت بسرعه وفيه شيــخ بعد بألامارات

يقولون انه يعالج السرطآن بالقران لازم نكلمه وناخذ

عندة موعد .. وياليتك

قلتي لي عن هالموضوع من زمـآآن من قبل مابدت

بالعلآج كان سفرناها برى من زمآن لكن للحين

ماصآر شي وان شاء الله خير ..

/
/
/
/
/
/
/
/
كانت تـوهـآآ مـآخذه علآج اشعاعي وطالعه

للغرفه وتحس ان جسمـهآآ مكســر وحالتهآآآ

اصعب من توصـفآهآآآ كلمـآآآتي تحس انها تتعذب

والثانيه تمر عليها سنه .. وماكان عندها

غير نــورا (نصور )

هنو : يانصور جسمي كله يعورني انا قاعد اموت

موت بطيئ احس ان العلآج مومثل اول وكل مااتعالج

شوي وارد اطيح مره ثانيه وربي اني كرهت

المستشفيآت ومن ادخل مستشفى حالتي تسوؤء اكثر

واكثر

نورا: وعسى ان تكرهوا شيئا وهو خير لكم ..

حبيبتي انتي لازم تسمعين كلام الاطباء لانهم يعرفون

مصلحتك

هنو: انا تعبببببت .. والله تعبت انا كذا والا كذا

بمووت تدرين عاد انا بجلس بالبيت احسن لي لاني

مع العلآج اتعب اكثر وشوي وارد اتعب اكثر واكثر

اقعد ببيتنا واحسن من علآجهم

اقلها مااتعب وانا اخذ العلآج ..

نورا: لا ياهنو اللي تقولينه هذا مايصير نفسك

موملكك نفسك ملك لله وانتي محاسبه عليها يوم

القيامه لازم تعالجين نفسك وتهتمين فيه

هنو: وربي ان اللي يصير معاي موطبيعي انا اشوف

الموت الف مره باليوم .. تدرين اللي قاعد يصير لي

جـزاء من رب العالمين بكل اللي سويته اصلا

انا ماادري لو انا تبت او لآ او يمكن هذا عقـآآب

على المـاضـي الوسخ اللي كنت فيه !!

نورا: استغفر الله العظيم ياهنو .. لاتيأسين من رحمه

ربك وهذا ابتلآء من رب العالمين ولاتخلين الشيطان

يضحك عليك هذا موكلآمك هذا كلام ابليس اعوذ بالله

منه

هنو من بين دموعها: انا قاعده اموت يانورا تعرفين

شنو يعني اموت .. وشتبيني اسوي يعني وانا قاعده

امووت وشتبيني اقول

نورا ماردت عليها وضلت تقرى عليها قــرآآن

وهنو شوي تصيح وتتكلم وتستفز نورا تبيـهآآ ترد

عليها بس نورا موقاعدة ترد .. لين هدت شوي

ونآآآمت

اليـــوم التــــآآلي

فتحت عيونـها وكانت تحس بللي حولها كانت

غرفتها مليآآآنه ورد وحتى سيب غرفتها وكل اللي

يمرون مستغربين منـهآآ ومن شعبيتهآ.. الغرفه

كانت مليانه بالنآآس واضطروا

انهم يجيبون كراسي من برى واللي واقف واللي

يسولف ..

جنا : صبااااحوووو ياحلوه ..

هنو: اهلين من متى انتي هنآ !!

سعود: ارحمنا يالحبيب يعني ماتشوف غير جنا

بسسسس

هنو: سعود (وتحاول تقوم وتجي سعود لعندها

ركضض وتسلم عليها : الحمدلله على سلآمتك

هنو : الله يسلمك كلكم هنا

بازوكا وشكلها متغير وكانت كيوت وقالت: عشان

تعرفين غلآتك عندنا ياحلوه

فتوش: خطاك السوء ياهنوو

هنو: خطاج اللأش حبيبتي

شمه: عاد هنو تصدقين انتي اكثر وحدة بهالمستشفى

لج شعبية طالعي الورد لوين لاخر السيب

روعه: من جد حتى بنت عمي تسألني تقول انتي

مشهوره والا شئ

الكل: ههههههههههه

اشواق: بصراحه هنو كلنا نحبك والله يعينك عليننا

زينه: فعلآ بتلاقيننا كل يوم عندك ورح نسوي مثل

هالزحمه واكثر بغرفتك

وضحى: من جد اخر شي بتقولين يامن شرى له من

حلآله عله

الكل: هههههههههههه

هنو: وربي انكم عسل على قلبي .. (وفجأه دخلت

حـنان وهي شافت هنو لانها تراجع بنفس

المستشفى بس بقسم ثاني

حنان: السلآم عليكم

الكل: وعليكم السلآم (واستغربوا لمى شافوها ..

حنان: وتسلم على هنو وحطت الورد بأقرب مكآن

شافته عيونها / ماتشوفين شــر يالغاليه

هنو: الشر مايجيك

جنا: تفضلي حـنآن

حنان: لا شكرا انا بس حبيت اسلم على هنو واتطمن

عليها

هنو: ماتقصرين والله طول عمرك اصيله ياحنان ..

حنان وتسلم على هنو مره ثانيه وتهمس لها بأذنها

وتطلع .. اما جنا لحقتها والكل توقع انها غارت منها

الآ هنو ماكانت حول حد ابد وهمـهآآ مكفيهآآ وماتبي

تفكر اوحتى تشيل هم ثاني

.
.
.
.
" حنـــآآن انتظري شوي "

حنان والتفتت عليها: هلآ جنا

جنا: حنان اتمنى انج تكونين كل يوم هنا لان هنو

تبي لمه الناس اللي تحبهم حولها هاليومين وماعندنا

غير وقت الزياره نسليها فيه

حنان: ان شاء الله خير (وتجي تروح وتناديها ووقفت

بدون ماتلفت لها

جنا\ انا اسفه عللي سويته معك

حنان والتفت لها : لا بالعكس انا نسيت كل شيء

والحمدلله انتي ياجنا حميتني من نفسي الاماره

بالسوء وماتماديت بالغلط اكثر والله رزقني بزوج

يخاف الله وحياتي

معه من احسن مايكون وان شاء الله عما قريب بكون

ام .. وصدقيني انا ماجيت لهنو لاني لسى احبها او

.. انا احبها صح بس كأخت لااقل ولااكثر وياليت

تحبينها بنفس الطريقه

اللي انا احبها فيها عن اذنك

وراحت وخلت جنآآ وراهآآ مثل المصدومـة من اللي

سمعته .. وماهي قادرة تصدق وبنفس النفس انقهرت

على عمرها وعلى امومتها اللي ضيعتها وبكآمل

ارادتهآآ ..

ومشت بخطوات هادئه وهي تطالع بالارض وصدمت

بنـوال بالغلط وصحت من الحاله اللي كانت فيها

وتذكرت اللي هي فيه الحين وقالت:سوري ماشفتك

نوال: لاحبيبتي عادي بس انتبهي مره ثانيه وانتي

تمشين

جنا: ان شاء الله خاله نسيت اقولك

نوال: هلآ

جنا: امس زوجي كلم المستشفى برى عن حآله هنو

وقالوا له لازم يرسل تقرير عن حالتها و

تقاطعها نوال:جنا حبيبتي معليه نتكلم بهالموضوع

مرة ثانيه

جنا: بس خاله هالموضوع مايتأجل و

نوال: خليه بوقت ثاني وتروح عنها وتخليها اماا جنا

فـ حست الا تأكدت ان نـوآل قــآآعدة تصرفهآآآ

ليه ماتـدري !!

:
:
:
:
:
:
:
:
بـــعـــد مـــرور أسبـــوع .. هنو كانت

للحين بالمستشـفى وصديقآآتها ماتركوها بـ

ولآلحـظه اما جنا ماشافت نوال الآ مرتين وماتدري

ليش كانت تتهرب منهآآ وكانت مقهوره منها وبنفس

الوقت لمى تشوف هنو تنسـى كل شي وتتمنى تضل

معها على طول .. (بغرفه هـنو )

هنو : جنا فيه شيء ابي اعطيك ايآه .. هي هديه

صغيره وابيك تحافظين عليها زين

جنا: شنو حبيبي ..

هنو: شوفي بعطيك ايآآهآآ الحين بس ابيك توعديني

ماتفتحيها الا بعد اسبوعين بعيد ميلآدك

جنا: أهـآآآ يعني هذي هديه عيدميلآدي

هنو: اممم تقدرين تقولين كذا .. انا فكرت الف مره

بهالموضوع وشنو اهدي لك ماعرفت بس هالهديه

متأكده انها رح تعجبك وتحافظين عليها

جنا: واوووو حمستيني اشوفها ..

هنووتعطيها كيس صغير: تفضلي بس اوعديني

ماتفتحينها الا بعد اسبوعين وبنفس الساعه اللي

انولدتي فيها

جنا: وعد .. ولعيونك بعد رح تكونين معي ورح

افتحـهآآآ قدامك وش قلتي

هنو ابتسمت لها ابتسـآآمـه صفراء وكانت تطالع

بجنا وعيونها معها بس بــآآلها مومعها وتذكرت

اللي صـــآآآر اليـــوم الصبــأأح بين وبين

امهآ ..

.
.
.
.
" انتي تمزحين صح انا موموافقه على ولآ كلمه من



اللي قلتيهم "

نوال: انا امك ومومحتاجه اخذ رايك بهالموضوع

بالذات واللي اشوفه صح رح اسويه

هنو: وش هالدكتاتوريه

نوال: حبيبتي ترى رأأح زمـن الديموقراطيه

وجــآآء وقت الدكتاتوريه !!

هنو: يعني رح تجبريني .. وشلون هنت عليك كذا

وانا مريضه ومحتاجه حد يوقف معي مويجبرني على

اشياء مااحبها

نوال وحن قلبها على بنتها وقالت: والله العظيم لو

تلفين العالم كله مارح تلآقين حد يحبك اكثر مني انا

امك وانتي قطعه مني .. واللي اسويه لمصلحتك

هنو: بس موبهالطريقه مايصير تجبريني انا

مومقتنعه قلت لج مومقتنعه

نوال:أنــأأ اكثر وحده احبك واعرف مصلحتـك

ومصلحتك انك تسوين اللي اقولك عليه .. وعلى فكره

انا موقاعده اخذ رايك هذا آمر ولازم يتنفذ ..

قطع عليهآآآ تفكيرهآآآ صوت جـنا وهي تقول \

هيييييييي وينج

هنو: هاااه معك

جنا: والله بآآآين اللي ماخذ عقلك

هنو وابتسمت : انتي طبعااا

جنا: طيب ماجاوبتني

هنو: شنو

جنا: واووو واضح اني ماخذه عقلك

هنو: لا جد عااااد قولي

جنا: ليش عطيتني الهديه الحين وعيدميلآدي بعد

أسبوعين لين ماانتظرتي لعيد ميلآدي

هنو(حكم الديكتارتويه): حبيت اعملها لك مفاجأة

ونجرب شي جديد ..

جنا: يالبى انتي ومفاجآتك ..

(وتجي الممرضه: اختي انتهى وقت الزياره من نص

سـآعه ..

جنا: زين خلآص درينا ..(وتروح الممرضه ..

جنا: اوووف منهم فضيحه

هنو: جنا ممكن طلب قبل ماتروحين

جنا: آمري عيوني لك

هنو: ابيك تضميني من زمآآآن ماضميتني

جنا وضمتها بدون تردد وهي مستغربه طلبـهآآآ

وقلبها حآآس ان فيه شي بيصــير بــسسس

ماتــدري شـنـو !!

/
/
/
/
/
/
/
/
فــي أرض خضــراء وكبيرة كل شي من حولهآآآ

اخضر وحـلو .. يعني مثل المزرعه والجـو كان

مرة حلو فصـل الربيـع .. والورود والفرشآآت بكل

مـكآن كان فيه شجره

كبيره جـآلسه تحتـهآ وماسكـة بيدهآ وردة

بيضــآآ .. وجالسه تقطف اوراقها وحده وحده

وتقول : بتجي لا مابتجي .. بتجي مابتجي .. بتـجي

.. هيييي يعني رح تجي

بس وينـهآآ ليش تأخرت قالت لي بتجي قبل ماتغرب

الشمس .. ليش للحين ماجـأآت .. اووف (ووقفت

مع فستـآنها الآبيض القصير وكانت تدور حول

الشجره اللي تواعدوا يلتقون

عندهـآآ .. وفجـآه وقفت وهي تطالع الشمس

وتقول:يارب ماتغرب الشمس الحين لآنهآ قالت بتجي

قبل ماتغرب الشمس

" وأنـآ عند كلمتي "

اول ماشافتها ابتسمت وضمتها بسرعه وقالت وهي

بين حضنها : هنـآء ليش تأخرتي خفت تغرب

الشمس وانتي ماتجين !!

هناء: قلت لج ياجنا انا عند كلمتي .. صحيح

الظروف حاولت تمنعني بس كنت عند كلمتي

جنا: طيب ليش لآبسه اسود .. مواتفقنا نلبس ابيض

!!

هنآء: انا مااخترت الآسود هو اللي اختـآرني

جنا وحكت راسهها ببلآهه وقالت: لا موالملآبس اللي

تختـآرنا احنا اللي نختآرهآ .. تعالي نروح نشتري

لنآ فستـآن ابيض وتلبسينه

هنآء: وتبين نفوت غروب الشمس !!

جنا: طيب شنسوي ؟!

هناء: خلينآ نجلس هـنآ ونشوف الغروب وبعدين

نفكر وش نسوي ..

جنـآ : طيب (ويجلسون تحت الشجره اللي كانت جنآ

جالسه تحتهاآآ ..

جنا وتحط يدها بيد هنآء بس ماكانت تحس فيهآ

يعني ماتحس انها ماسكه شي

جنا: هنو انا مااحس بيدك ليش .. انتي تحسين بيدي

!!

هنآء: مولآزم تحسين فيني اهـم شي ان روحـي

حواليـك ..

جنا وطالعت بيدهآ الثنتين وهي تشبكهم ببعض

وتحس فيهم وبعدهآ التفت لهـنو ومالقتـهآآ

بمكـآنهآ واستغربت وقامت تدور عليهآ وتصرخ

بأسمـهآآ

جنـآ : هنوووو .. هنــآآء وينج هنــآء تعاآآآلي

.. هنـــــــــووو .. الحين بيجي غروب

الشمس انتي وعدتيني تكونين معآآي هنووووو

هنووووووووووووووووووووووو .. (وقامت تصيح:

هنو مارح اسآمحك تعالي .. انتي وعدتيني تعآآلي
.
.
.
.
.

فـــزت من نــومـهآآ مرعـــوبــة وهي

خايفه ومومستوعبه اللي شـآفته قبل شوي وقالت:

الحمدلله انه حلم .. الحمدلله .. ( التفت وشافت

سآعتهاآآ وحست

انها تأخرت كثير.. قــبل مـــوعـــد

الـــزيـــآره بســـآعه صحت من

نـــومــهآآآ اللي ماتدري وشلون نامت

هالكثـــر .. ولبست بســرعه

وكانت بالمستــشـفى قبل موعد الزياره بربع

ســآآآعه وكـل مااقتربت لغرفتها اكثر كل مازادت

دقـــآآآت قلبــهآآآ اكثر ..

مشيت بخطوات ثابته لنفس المـكآآن اللي كل يوم

نكون فيه شـفت الكل متجمع فيــة واللي يبكي

واللي يستـفسر ماهمني اعرف شللي صـآآير او

حتى خفت اني اعرفــ !!

زينه ووجهها مخطوف جات لعند جنا وقالت: شفتي

هنو !!

جنا هزت راسها بالنفي وهي ماتدري وش السآلفه

وقالت : زينه

زينه: هلآ ..

جنا: شفيكم شسالفه هنو فيها شئ

زينه: ماادري علمي علمك من جينا وغرفتها فاضيه

وكل ماسألنا الممرضآآت صرفوننا الله يستر بسسس

جنا ونشف دمها والافكآر قامت توديـهآ وتجيبـهآ

وفجــأأه ماحبت انها تفكر اكثر وخلآلآلآص ماتبي

تسمع شي ومايعجبها وخافت من كل شي

وجلسسسست ع اقرب كرسي شــآفته

روعه وجاتهم وكلهم ينتظروها وقالت: بناااات

الحمدلله ابشركم هنو مافيها شيء

جنا وفزت وراحت لروعه وقالت: هنوو .. هنو

وينهآآآ !!

روعه: طلعت من المستـشفى اليـــوم مع امـهآآ

واكيد راحت البيت

جنا ومشت بسرعه من عند البنـآآآت بدون

مايحـسون فيهآآ .. وراحت لبيتهم دقت الباب ودقت

لييييييين قااااالت بسسسس وماحد رد عليهأأأ

وبألاخير طلع واحد من الجيران وقالها انهم

عزلوا من امسس .. ورجعت لبيتــهآآآ وهي

محتاره وموعارفه شللي يصير معها .. وتذكرت امس

هنو وكلآمهـآ اللي خوفهــآآ وزاد الموضوع

غموووض و جاء على بالهآ حلمهآ

اللي ماتـدري وشــلون تفســـرة كل

هالاشـيآء صـآرت بســرعه وورى بعض

وعقلـهآآ موقــآدر يصدقهآآ او يتقبلـهآآ وفجآآآآه

و بدون تردد خذت جوالها واتصلت بــزوجـهآآ

وهي اصـلآ

ماتدري وش تقول لـــة وسكرت الخط من قبل

مايرد ودخلت غرفتـهـآآآ هلكانــة

ومهمـوهـة.. وعرفت بعد فترة بسيطة ان هنو

ســآفرت بـــرى السعوديــة

.
.
.
.
.
.
.
.
.

بــــعـــد مـــرور شــهـــرين ..

جالســـة بغرفتـــهـآآ ببيــجامه لونـهآ

ابيض ولآبستها من يوميــن وشعــرهـآآ

منفوش وحالتــهــآآ حالــه .. وتبكي لييييين

جفت دموعها .. دخلوا

صديقاتها وموعاجبتهم حالتــهآآآ اللي ماتغيرت من

سآآآفرت هـنو ..

روعه/ وبعدين ياجنآآ اللي قاعده تسويه مايرضى حد

شوفي شكلك الحين وشلون صآر ..

اشواق: وبعدين انتي قاعده تعاقبين نفسك ولافيه

فايده من كل اللي تسوينه لان كل هذا مارح يرجع

هنو لك ..

زينه: بجد المفروض تتمنين لها الخيروتدعين لها ..

حالتك هذي مارح تسرك ولاحتى تسرهآآآ ياجنا انتي

كبيره وعاقله وفاهمه ومايحتـآآج نعلمك بهالاشياء

ونعيد ونزيد عليك

اشواق: جنا من سافرت هنو من شهرين وانتي هذا

حالك .. انتي مره متزوجه وزوجك له حق عليك

وربي حرام عليك وبعدين يمكن اللي صــآآر هذا

خيره عشان تهتمين بنفسك وببيتك وزوجك

زينه: صدقيني زوجك يحبك والدليل انه صبر على كل

اللي انتي فيه لو واحد ثاني كان رماك لاهلك وورقه

طلآقك قبلك ومااهتم فيك

روعه: جنا احنا قاعدين نتكلم معك مايصير ماتردين

علينا لازم تردين وتقولين اي شي قولي اللي بخاطرك

تكلمي

جنا بحسره وبنبره مبحوحه: بنات انا محد حاس

فيني انا ميته بدون هـنو .. انا مجروحه انا

ابيهــآآ ومولاقيتها ساعدوني القاها اللي يخليكم

زينه: مابقى شي ماسويناه خلآص عاد خليها على

راحتها الله اعلم بحالتها الحين الله اعلم هي بأي

ارض انتي انشغلي بنفسك وبحيآتك وادعي لها الله

يوفقها وويكون معها وين ماكانت

روعه: احنا مانقدر نسوي شيء ولاحتى زوجك يقدر

يسوي شي .. زوجك سأل عنها معارفه وقالوا انها

مسأفره لبــرى وحتى البلد اللي راحت له مانعرف

عنه اي شي ولاحتى

ندري لو للحين موجوده فية والا لا .. وبعدين خلك

واقعيه امها اخر الايام كانت تصرفك يعني ماتبيك

توصلين لبنتها ومهما كان هنو بنت وماتقدر تطلع

عن شور اهلها وهي مريضه وحالتها حاله

مب حول حد ولاتدري عن شي ادعيلها الله يشفيها

جنا وهزت راسها بالايجآب: وربي اني قاعده ادعي

لها كل يوم وكل لحظه وكل ثانيه

روعة: طيب قومي معانا وخلينا نطلع مثل الاول

ونغير جوو

اشواق: اي والله قومي عاد لاتردينا

جنا: ماابي ماابي ..

زينه : لين متى رح تضلين على هالـحآآل شوفي

نفسك شلون صــرتي .. الحيـآآه تستمر والنآآس

تنسـى وتتغير !!

( وكالــعــــادة لآحيــــآآآة لمــن تنــآآدي .. )

ضــلــوا يكلمووونــهآآآ ويكلمووونـهآآآ

ويحــآآآولون فيهـــآآ وهي ماتسمع لهــم أذن

من طيـــن واذن من عجيـــن ..


ليه يا قدر تقرر .. وتهدم ..وتحطم !!؟؟

حبيتها واغليتها وكانت هواي اللي اتنفسه ,,,
حبيتها واعفيتها عن كل هوان او دمعه,,,

لكن!!!!
قرر زماني وزمانها ,,
قرر لحبي وحبها ,,
قرر لنبضي ونبضها ,,
**بالفراق**

حبيتها وهي نور دنيتي,,,و(طفيتها)
حبيتها وهي نبض قلبي,,,و(وقتلتها)
حبيتها وهي روحي و(ونزعتها بكل قوه )

حبيتها ,,وحبتني ,, والفراق هدني , ودمرني !!!

ليه يا قدر تقرر .. وتهدم ..وتحطم !!؟؟


ودعتها ..
قلت في امآن الله يا اعز الناس ..
ودعتها..
ووقف قلبي عن الخفقان,,
ودعتها..
وكان حلا الدنيا واغلى من المآس..

حبيتها بس فرقتنا الاقدار..
حبيتها وتجاهلتنا الاعذار..
..

ليه يا قدر تقرر .. وتهدم ..وتحطم !!؟؟
.
.
.
.
.

ومـــرت الأأأأيــاااام ... ومر يوم ورى يوم

واسبوع ورى اسـبوع .. مرت فتره ع

أختــفــاء هـنـآ .. بعض الناس رجعوا

لحيااااتهم الطبيعه ..

والبعض حاول يرجع ويتأأقلم .. بس فيه حــد

ماقدر يرجع لحياته ولاحتى حاول .. جالسه بغرفتها

وضامه رجولها حولها ومنزله راسها وتفكر ..

ماتبكي ولاحتى تدمع عيونها ســرحأأأنه وتفكير ..

بس بأأأييييش تفكر ..


هدوء فضيع..
يكاد أن يتخلل داخل اعماقي..
جو كئيب..لا تسمع به الا نواح وبكاء..
ابحث عن ابتسامة لتشفي غليلي ولكن لا اجدها..
عيناي تبحث هنا وهناك..عن شخص طالما دفئتني

احضانه..ورحبت بي ابتسامته..
وآنستني ضحكته..ونستني همومي بتلك الابتسامه..
طالما ريحني ذاك الوجه البشوش..
شخص طالما مسح لي دمعتي..وقبل لي جبهتي..
ولكن..ولكن لم اجدهـ..
بحثت عنه كثيرا لكنني لم أجدهـ..
بتلك اللحضه مر علي شريط ذكرياتي معه..
بسمته..ضحكته..حزنه..فرحه..كل شيء مر

بسرعه...بلمح البصر..
لم استطع منع دمعتي من السقوط..
فقد حبستها كثيرا..وآن لها بأن تسقط..
اسمع صدى ضحكته..بلحظتها التفت ولكنني لم

اجده..
تمنيت ان ترجع الساعات قليلا لأقول له كم أحبه..فأنا

احبه كثيرا..
ولكنني علمت بأنه لن يعود..فقد رحل..
نعم لقد رحل ورحلت معه اجمل الذكريات..
صحيح بأنه رحل ولكنه سيضل ساكن بقلبي ...

وروحي..وكل جوارحي..
ولكن تعب قلبي من رحيله كثيرا


..و بعــد مـدة من حـآله اليأس والحنين

للمـآضـي ورفض للواقــع .. بـلحـظه

جــآءهــآآ قرار تو تــذكرت شــي صــآآر

وراحت بسرعه للهـديه

الهديــة اللي خذتها من هـنـو بأأأخــر يوم

شافتـهآآ فيـــة .. راحت بسرعة ودورت ودورت

لين لقت الكيس وخذت اللي بداخلــة وفتـحته من

تغليفته وكـآن دفتــر .. استـغربت

لمى شــآآآفــتـــة وفتــحتــة بدون تردد

وبــآالصفحــة الاولى منـه صورتهآآآ هي

وهـشوم بعرســهم .. أنبسـطت كثير لمـى

شـآآفتها وفتحـت الدفتر وجلست تقراه صفحـة

صفحـة

وبهالدفتــر كان فيهآآآ أشــيآء كثيره عن هـنو

تعرفهــآآ لآول مـــرة جلسسسسست طــول

يـــومــهآآآ تـــقـــرى فييييييييية ..
.
.
.
.
.
.
.
بعد مرور عده أســآآبيع .. نفس المكـآآن اللي

بدت فيه روايتنــآآ هـو نفس المـكان اللي حبيت

نختــم فيه الروايـــة " الجــامــعــة "

المكان نفس المكان ونفس الاشخاص مع تغير بعض

الشخصيااات .. هناك شله تبي تبرز نفسها اللي

تصارخ واللي تضحك واللي

ماتخلي البنات من تعليقاتها ... وبجهه ثانيه فيهاا كم

بويا .. اوه البويات زادوا كثير وبشكل ملحوظ

وصرت مااقدر افرق بينهم وبين البنات العاديات

كانوا قله

ومميزين بـس الحين من كثرتهم مانقدر نميزهم ..

وطاحت عيني ع مكان ماعاد مثل الاول مكان الشله

شله هشوم ونصور اللي نصها طلع وراح المكان فيه

نص الشله او بالاحرى

4 او خمس بنات بالشله والباقي وجوه جديده اول

مره اشوفها .. الشله فيهاا كيوتات كثير وبويات اكثر

بس غير نصور وهشوم .. ناس جدد .. اختفت هناء

وانولدت

هناء جديده بالشله وبالكليه والجامعه كلـها ..

طاحت عيني ع مكان هنا بالشله وجلسـت اتأمله

مكانهآ مميز وله هيبته حتى في غيآبهآ محد تجرئ

وجلس فيه تمنيت لهآ التوفيق سواء كانت

حيه او ميتـة وفـجأآآآآة وبدون ماانتبه صدمت

بوحده واعتذرت لها بس قالت : ياهوووو فتحي

حطي لك عيون هاااه ضبطي حالك ..

ماعلقت ومشيت وجلست اطالع واضحك بسخريه

معقوله اللي اشوفه .. هالبويا وجهها موغريب ابدا

... وشدتني مشيتها العربجيه مثل هنا حتى طريقتها

بالكلام مثلها ومثل نظراتها

.. مومعقوله هذي قاعده تقلدهاا .. نسخه منها مع

اختلاف الملامح بس نفس الستايل والحركات ...

واشوف البنات ميتين عليهاا وجاتها وحده تكلمها

بس هالبويا فشلتها وماعطتها وجـه واستغربت لمى

شفت البويا ماعطت فاطمه وجـه .. فاطمه اللي

شلتها ثاني اشهر شله بالجآمعه بعد شلـة هـشوم

ونصـور و ع طاري فاطمه قعدت اطالع

بالبويا عدل وعرفت انها فهد واللي معاها فتوش

اللي لليوم ماادري هل هي بويا فعلا او مجرد ستايل

!!!

فهد رجع للجامعه معقوله والكل يبي رضـاه ؟؟

وبجهه فهد

فتوش : ليكون بترجع لفاطمه ؟

فهد : تخسي مابقى الا هي .. مستحيل ارجع لها ..

فتوش: ليش ؟

فهد: لانها نعال وعمر النعال ماينحط ع الراس

والنعال مهما غلى بالاخير ينداس (( نفس اسلوب

نصور))

.. طلع نصور وشهدنا ولاده نصور جديد ...

ضحكت بسخريه رغم كل اللي صـار فهد مصر يضل

فهد ومايطلع من دور البويا ولغايه اليوم مااعرف

لفهد اسم غير " فـهد " يمكن تبي تضل طول عمرها

فهد ..

طالعتها وقلت بخــآآطري :معقوله فيه نآآس

ماتفهم بعد كل اللي صـآآر ماتغيرت ولآ حتى

اتعضت .. لكن صدق من قـآآل لاغآآأأب القطو العب

يــآآ " فــآآر "

مشيت عنهآآ وكملت طريقي وشفت مجموعه بنـآآآت

اعرفهم وجلست اسولف معهم واضحك معهم .. وشد

انتبــآآهي شـكل جـنآآ أي جـنـآآ كانت جالسه

وتطالع ببنت

بأستغراب وماادري ليش .. ماحبيت اسكت وشدني

الفضول خصوصا لمى شفت جنـآ تمشـي ورى

هالبنت ورحت لهآآآ ووقفتها وقلت: جنا شفيك !!

جنآ : هلآ اميره

اميره: اهلين فيك شي وين رايحه

جنا: تصدقين عاد احلآمي خذتني لبعيد .. كنت اظنها

هنو

طالعتها واستغربت وكانت طوال الوقت معطتنا مقفاها

وحده بويا معنا بالجامعه مااعرفها حتى ماشفت

شكلها لآبسه جاكيت جلد اسود ومسويه شعرها

سبآيكي وكان بني فاتح

كأنها هـنو بس مقفـهآآآ مثل قفى هـنو ..جنــآآ

رغم مرور هالوقت هـذا كلــه للحين تحن لو

شافت بويا شعرها بني سبايكي ولابسه جاكيت اسود

على طول تفكرهآآ "هـنو"

وياكثــرهم بجـآآآمعتنــآآ .. "

قلت لها وانا اغير الموضوع : عندك محاضره ؟

جنا:لآ وانتي !!

اميره: حتى انا فاضيه

جنا: طيب تعالي نجلس عشآآن نتكلم عن الروايه

شوي ..

هزيت راسي بالايجـآآب وجلسنــآآآ وقلت لها:

جنـآ فيه سؤال حابه اسألك ايآه واتمنى انك

ماتتحسسين منه واكيد هالسؤال رح يشغل الكثير مثل

مايشغلني

جنا: سألي

اميره: الحين بعد كل اللي صـآآآر انتي خسرتي

امومتك وبنفس الوقت خسرتي هنو .. بعد ماخسرتي

كل شي تحسين انك ندمـآنه !!

جنـآ: مااحب انظر لخسـآآآراتي لاني كسبت

نفسـي ولقيت جنـآ اللي طول عمري كنت ادورهآ

.. هـنو عطتني كل شـئ "عطتني نفسـي " اللي

كنت طول عمري مآآعرفهـآآ

ماعرفت شرد عليها بوقتها واكتفيت بأبتسامه صفراء

وقلت لها : فيه شي تحبين تقولينه او حتى تضيفينه

للروايه !!

جنا: انا قلت لك كل شي صـأر معي وذكرت لك ادق

التفاصيــل اللي عشتها واللي عاشتها هنو وذكرت

لي اياهــــآآآ بالدفتر اللي عطتني اياه.. اتمنى

ان روايتك بيوم من الآيــآآم تقراهــآآ هنو

اعرفهــآآ

مجنونه روايـآآت .. اتمنى انها تكون بخير وابيها

تعرف اني كملت دراستي عشآنهـآآ وانا سامحتها

على كل اللي صـآآر معي وابيهــآآ تسامحني عللي

سويتـة بحنـآآن مثل ماسامحتني حنـآآن ..

وان شاء الله تكون بخير ولو تتصل فيني الحين او

حتى تجيني البيت وبأي وقت رح تلآقيني

انتـظرهـآآآ وانا للحين احبــهآآآآ ...

(( ســــوري جـنا كلآمج ماقدرت احطه بين

سيــآآآق الاحداث حبيت انقلــة مثل ماهــو

ومثل ماقلتيه لي وسمعته منــج ... ))

.
.
.
.
.
.
.
.

البـويات بنات عاديات بس بأشكال غريبه ..

يحاولون يصيرون اولاد او يسترجلون .. عشان

يلفتون الانتبـاه .. منهم مين يعيش الدور ويحبه

ومايقدر يطلع منه

مثل فهد ومنهم من يطلع منه ويتخلص منه بعد

مايجر كثير له مثل نصور .. ومنهم من يحاول يتوب

ويتمنى انه يتوب بس الله واعلم اذا انقبلت توبتها

والا لا مثل هشوم ..

وبين كل هالبويات فيه بنات اللي يسمونهم الكيوتات

يشجعونهم ع هالشي وع شكلهم وستايلهم كأنهم

يكافؤنهم ع اللي يسوونه .. نضره المجتمع لهم

مابين مشجع ومتقزز منهم ..

اتمنى كل بويا تلاقي لها وحده تنصحها وتساعدها

مثل نور واتمنى الله يبعدها عن اللي يشجعها مثل

جـنا ونصور سابقا وغيرهم كثير ولكن الاهم هو

البيئه اللي يعيشون فيهآآآ هالبنـآآت

الاهل .. لهم الدور الكبير بســلوك بنـاتهم ..

انتبهوا لهم سواء دخلوا الجامعه او الثانويه او

الاعداديه وحتى الابتدائي .. بناتكم امــآآنه عندكم

انتبــهو لهم وخلوكم صديقـآآتهم

صيروا اقرب لهــم من صديــقــآآآت

الســوء .. خلوكم انتــو صديقاتكم .. سواء

كنتي ام او اخت او كنت اخ او اب او زوج فــ

اختـك وبنتـك وزوجتك كلهم امـآآنه عندك ولازم

تراعونهآآآ واحسن طريقه عشآآآن تعرفونهم

وتفهمونهم هي الصــداقــة ..

الصداقة كنز لاخريطة له.. اختفت الخريطه ولكن
الكنز مازال موجود
فالكل لديه المواصفات التي تمكنه من البحث عن

الكنوز والقدرة على تقييمها وتقديرها
فاذا ماحوى الكنز تلك العملات النادره من
صدق - وفاء - اخلاص - تفهم - ايثار - قلوب

لؤلئيه - وعقول الماسيه - وارواح كريمه

يكون اغلى الكنوز


تمنيت انو النهـايه تكـون احسـن من هالنـهايه

ولو كانت الروايه من تأليفي لوجدت نهايه اجمل من

هذه النهايه .. ولكن هذه الروايه من تـأليف

الحيـاه .. وهذه هي النهايه بالحياه الحقيقه ..

يمكن تكون مجرد نهايه مؤقته ويمكن تكون بدايه

النهايه.. الروايه هذه انا عشت مع شخصياتها يوما

بيوما .. ومنهم شخصيات سمعت عنها ولكن الاغلب

شخصيات واحداث عشتها وشفتها


.. وبالاخيـر من انا في هذه الروايــه .. انا مش

جنــآآآ ولآهـنــآآآ ولااي شخصيــةانا ضليت

اميره الروح حتى بالروايــة ..شلة جنا وهـنآء

كانت من اشهر الشلل بالجامعه والكل

يعرفـهآآ واي حدث بسيط بينـهم كل الجـآمعه

تدري عنه وتهتم بأخبـآرهم .. كل بنـآت الشله

كانوا مميزات والكل يتقرب منـهـم ..صحيح

ماكانت شلتي بس عشت معهم احداث وصـآدفتني

احداث بـوسـطهـم خلت الفضول يتسلل داخلي

وعطت الدافع لقلمي يكتب عنـهم جـنــآآ هي

اللي كلفتني اكتب هالروايه وائتمنتني على

ســرهــآآآ وكتبته واتـمنى اني اكون وفقت

فيــمآآآ فعلـت ..

" ع فـكره جنــآآ تغيرت كثير وهــي بس

تتمنى تعرف طريق هـنو ولو كانت حيــة او

ميتـــة .. وماتبي أي شي ثاني "

وبألآخيـــر احب اشـكر كل اللي وقف معآآي من

بدايــة مشـواري لنهـآيتـه .. اشكركم على كل

شي قدمتوة لـي .. واشكركم على دعمكم لي

وتشجيعكم وخصوصا ان هذي كانت

بالنسبه لي اصعب روآيــة لانـهآ كانت واقعيــة

ومافيه مجآل ابدا لذاتيتي فيـهآآ ..ولو تقرى اي

وحدة من شلة الانس هالروايه رح تعرف

شخصيتـهآآ وفـــورآآ ..

اتمنى اكون قد الحمل اللي كلفت فيـة .. واشكركم

على وفقتكم معي طوال 5 شهـور .. فعلآ مارح

انسآآكم يآ آحـلآ قـراء بأحـلآ منتدى .. ان شاء

الله ترجع وتجمعنآ الآقدار بروايـة

جديــدة ومع أبــطــآل جــدد ..

تـــمــــت

تكفون ابي ردود ترا تكفى تهز رجاااجيل والله بكيت من فلبي بنات تكفون ادعوا لاهنو وع فكره جلست سااعتين واناا انقل لكم الروايه

لالالالا مو معق 135 شااافوا الرواايه ولا واااحد رد

بنووته تسلمييييييين ع الرواايه اللي تجنن وبصراااحه ما كان ودي هنو وجنا يتفارقون بس ظروفهم اقوى منهم ومررررا حززززنت واتحطمت وبكيت ع النهآآآيــه حبهم حلوو .. أتنمنى اعيش زيه ..

تحياااتي لك ..

يسلمووو الايادي

و الله تركت محاضراتي و جالسه أقرأهامررا حلوه الروايه و باقي ما خلصتها



يعطيك العافيه

بصراحه قصه جنان
رووعه
على فكره قصه حقيقيه
قريتها تميت افكر هشوووم اسبووعين
بعدين تعرفت على وحده لقبها اسمها هشوووم بدايه توقعتها مال القصه بعدين قالتلي انا مب في القصه
بس اللي ابي اعرف هشووم ردت السعووديه و لا بعده
ابي اعرف شو صار ماتت و لا

تراني قاعده احاتيها

القصه حلوووه حييييل تسلمين ع القصه
بس بجيييت ع اخر شي تمنين انا هنو وجنا ماتفرقوو .......... ودي اعرف شصار بهنو الله يشافيها يااارب

اول قصة اندمج معها عاشت الايادي شي روععععععععععععععععععه